14, December 2023
ਸਾਉਣ ਦਾ ਮਹੀਨਾ ਚੰਨਾ
ਅਜੇ ਪੇਕੇ ਰਹਿਣ ਦੇ
ਪਿੱਪਲੀ ਤੇ ਪੀਂਘ ਗਿੱਧੇ
ਤੀਆਂ ਵਿੱਚ ਪੈਣ ਵੇ
ਆਏ ਐਤਵਾਰ ਪਿੜ
ਤੀਆਂ ਦਾ ਏ ਸੱਜਦਾ
ਪਵੇ ਵੇ ਧਮਾਲ ਪੂਰੀ ਗਿੱਧਾ
ਤਾੜ ਤਾੜ ਵੱਜਦਾ
ਠੰਡੀ ਠੰਡੀ ਹਵਾ ਕਣੀਆਂ
ਪਛੋ ਦੀਆਂ ਪੈਣ ਵੇ
ਸਾਉਣ ਦਾ ਮਹੀਨਾਂ ਚੰਨਾਂ
ਅਜੇ ਪੇਕੇ ਰਹਿਣ ਦੇ
ਪਿੱਪਲੀ ਤੇ ਪੀਂਘ ਗਿੱਧੇ
ਤੀਆਂ ਵਿੱਚ ਪੈਣ ਵੇ
ਪਿੱਪਲੀ ਤੇ ਪੀਂਘ ਪਾਈ
ਬਾਗੀ ਬੋਲਣ ਮੋਰ ਵੇ
ਔਹ ਵੇਖ ਘਟਾ ਚੜ
ਆਈ ਘਨਘੋਰ ਵੇ
ਲੈਣ ਕਾਹਤੋ ਆ ਗਿਆ
ਕੁੜੀਆਂ ਮੈਨੂੰ ਕਹਿਣ ਵੇ
ਸਾਉਣ ਦਾ ਮਹੀਨਾ ਚੰਨਾ
ਅਜੇ ਪੇਕੇ ਰਹਿਣ ਦੇ
ਪਿੱਪਲੀ ਤੇ ਪੀਂਘ ਗਿੱਧੇ
ਤੀਆਂ ਵਿੱਚ ਪੈਣ ਵੇ
ਚੜੇ ਭਾਦੋ ਨੂੰ ਆਈਂ
ਮੈਂ ਜਾਂਵੂ ਤੇਰੇ ਨਾਲ ਵੇ
ਚਾਰ ਕੁ ਦਿਨਾਂ ਦੀ ਗੱਲ
ਮੇਰਾ ਛੱਡ ਦੇ ਖਿਆਲ ਵੇ
ਸਾਡਾ ਵੇ ਵਿਛੋੜਾ ਤੈਥੋਂ
ਕਿਉਂ ਨਾਂ ਹੁੰਦਾਂ ਸਹਿਣ ਵੇ
ਸਾਉਣ ਦਾ ਮਹੀਨਾਂ ਚੰਨਾਂ
ਅਜੇ ਪੇਕੇ ਰਹਿਣ ਦੇ
ਪਿੱਪਲੀ ਤੇ ਪੀਂਘ ਗਿੱਧੇ
ਤੀਆਂ ਵਿੱਚ ਪੈਣ ਵੇ