ਖੇਡਣੇ ਤੋਂ ਸਾਨੂੰ ਹੁਣ ਕੋਈ ਵੀ ਨਾ ਹਟਾਵੇ।
ਛੁੱਟੀਆਂ ਦਾ ਚਾਅ ਸਾਥੋਂ ਚੁੱਕਿਆ ਨਾ ਜਾਵੇ।
ਛੇਤੀ-ਛੇਤੀ ਜਾਗਣ ਦਾ ਹੁਣ ਜੱਭ ਮੁੱਕਿਆ।
ਰਹਿੰਦਾ ਸੀਗ੍ਹਾ ਸਦਾ ਸਾਡਾ ਸਾਹ ਸੁੱਕਿਆ।
ਸੁੱਤਿਆਂ ਨੂੰ ਸਾਨੂੰ ਹੁਣ ਕੋਈ ਵੀ ਨਾ ਜਗਾਵੇ।
ਛੁੱਟੀਆਂ ਦਾ ਚਾਅ...।
ਬੜੇ ਭਾਰੇ ਬਸਤੇ ਤੋਂ ਸਾਡਾ ਖਹਿੜਾ ਛੁੱਟਿਆ।
ਗਰਮੀ ਵਿਚ ਜਾਂਦਾ ਨਹੀਂ ਸੀ ਪੈਰ ਪੁੱਟਿਆ।
ਕੁੱਟਮਾਰ ਹਰ ਕੋਈ ਸਾਨੂੰ ਸਕੂਲ ਨੂੰ ਭਜਾਵੇ।
ਸਾਡੀਆਂ ਤਾਂ ਕਰੀਆਂ ਮੁਸ਼ੱਕਤਾਂ,
ਆ ਗਈਆਂ ਰਾਸ ਬਈ।
ਅਸੀਂ ਤਾਂ ਦੋਸਤੋ,
ਹੋ ਗਏ ਪਾਸ ਬਈ।
ਲੈਣੀ ਆਂ ਕਲਾਸ ਹੁਣ,
ਨਵੀਂ ਅਸੀਂ ਮੱਲ ਬਈ।
ਮਾਪਿਆਂ ਦੀ ਸਦਾ ਅਸੀਂ,
ਮੰਨਦੇ ਹਾਂ ਗੱਲ ਬਈ।
ਕਰਿਆ ਨਾਂ ਕਦੇ ਅਸੀਂ,
ਉਨ੍ਹਾਂ ਨੂੰ ਨਿਰਾਸ਼ ਬਈ।
ਅਸੀਂ ਤਾਂ ਦੋਸਤੋਂ...........।
ਪੜ੍ਹ ਲਿਖ ਕੇ ਮੈਂ ਗੁਣਵਾਨ ਬਣਾਂਗੀ,
ਬਾਬਲ ਦੇ ਵਿਹੜੇ ਦੀ ਸ਼ਾਨ ਬਣਾਂਗੀ।
ਬਾਕੀ ਹੋ ਕੇ ਰਹਿਣਾ, ਜੋ ਵਿੱਚ ਤਕਦੀਰਾਂ ਦੇ।
ਨਾ ਕੁੱਖਾਂ ਦੇ ਵਿੱਚ ਮਾਰ ਨੀ ਮਾਏ,
ਮੈਂ ਰੱਖੜੀ ਬੰਨ੍ਹਣੀ ਵੀਰਾਂ ਦੇ।
ਵੱਡਾ ਹੋ ਕੇ ਮੈਂ ਵੀ ਖ਼ੂਨ ਕਰਨਾ ਦਾਨ ਅੰਮੀਏ,
ਲੋੜਵੰਦਾਂ ਅਤੇ ਗ਼ਰੀਬਾਂ ਦੀ, ਮੈ ਬਚਾਉ ਜਾਨ ਅੰਮੀਏ।
ਸਮਾਜ ਸੇਵੀ ਸੰਸਥਾਵਾਂ ਤੇ ਕਲੱਬਾਂ ਕੈਂਪ ਲਗਵਾਉਂਦੇ ਨੇ,
ਇਹਦੀ ਅਹਿਮੀਅਤ ਬਾਰੇ, ਲੋਕਾਂ ਤਾਈਂ ਸਮਝਾਉਂਦੇ ਨੇ।
ਨਾਲੇ ਆਪ ਖ਼ੂਨ ਕਢਵਾਉਂਦੇ, ਨਾਲੇ ਹੋਰ ਨੌਜਵਾਨ ਅੰਮੀਏ,
ਵੱਡਾ ਹੋ ਕੇ ਮੈਂ ਵੀ...........।
ਪ੍ਰੀਖਿਆ ਵਿੱਚ ਤੁਸੀਂ ਬੈਠਣਾ ਜਾ ਕੇ,
ਪੱਕਾ ਆਪਣਾ ਸਾਰੇ ਮਨ ਬਣ ਕੇ।
ਮੂਲ ਘਬਰਾਉਣਾ ਨਹੀਂ,
ਨਕਲ ਹੈ ਕੱਚਾ ਕੋਹੜ,
ਇਹਨੂੰ ਮੂੰਹ ਲਾਉਣਾ ਨਹੀਂ,
ਨਕਲ ਹੈ...........।
ਬਾਲ ਅਵਸਥਾ ਗੱਲਾਂ ਚੰਗੀਆਂ ਲਉ ਸਿੱਖ,
ਨਿਰਭਰ ਤੁਹਾਡੇ ਉੱਪਰ ਹੈ ਦੇਸ਼ ਦਾ ਭਵਿੱਖ।
ਹੋ ਕੇ ਰਹਿਣਾ ਸਦਾ ਹੁਸ਼ਿਆਰ ਬੱਚਿਓ,
ਖ਼ੁਰਾਕ, ਖੇਡਾਂ ਤੋਂ ਪੜ੍ਹਾਈ ਨੇ ਜ਼ਰੂਰੀ,
ਤੁਸੀਂ ਨਸ਼ਿਆਂ ਦਾ ਹੋਣਾ ਨੀ ਸ਼ਿਕਾਰ ਬੱਚਿਓ।
ਪਤੰਗਾਂ ਵਾਲਾ ਛੱਡ ਦੇ ਧਿਆਨ ਬੱਚਿਉ।
ਇਨ੍ਹਾਂ ਲੈ ਲਈ ਮਾਸੂਮਾਂ ਦੀ ਜਾਨ ਬੱਚਿਉ।
ਕੋਠੇ ਉੱਤੇ ਚੜ੍ਹ ਕੇ ਜਦੋਂ ਪਤੰਗ ਨੇ ਚੜਾਉਂਦੇ,
ਵੇਖਦੇ ਆਕਾਸ਼ ਵੱਲ ਜਦੋਂ ਤੁਣਕੇ ਇਹ ਲਾਉਂਦੇ।
ਫਿਰ ਪਿੱਛੇ ਵੱਲ ਰਹਿੰਦਾ ਨੀ ਧਿਆਨ ਬੱਚਿਉ,
ਪਤੰਗਾਂ ਵਾਲਾ.....................।
ਖੁੱਲ੍ਹ ਗਏ ਸਕੂਲ ਹੁਣ ਸਾਡੇ,
ਮੁੜ ਪਰਤ ਰੌਣਕਾਂ ਆਈਆਂ।
ਕੋਵਿਡ ਮਹਾਂਮਾਰੀ ਨੇ ਸੀ,
ਸਾਡੀਆਂ ਨੀਂਦਾਂ ਦੂਰ ਭਜਾਈਆਂ।
ਖੁੱਲ੍ਹ ਗਏ........................
ਹੋਗੀ ਚਾਹੇ ਆਨਲਾਈਨ ਪੜ੍ਹਾਈ,
ਬਿਨ ਸਕੂਲ ਤੋਂ ਘਰੇ ਚੈਨ ਨਹੀਂ ਆਈ।
ਹੁਣ ਵੜ ਕੇ ਵਿੱਦਿਆ ਅਦਾਰੇ ਵਿੱਚ,
ਜਾਣ ਨਾ ਖ਼ੁਸ਼ੀਆਂ ਸਮਾਈਆਂ।
ਖੁੱਲ੍ਹ ਗਏ........................
ਉੱਠ ਗ਼ਾਫ਼ਿਲਾ ਤੂੰ ਜਾਗ ਕਿਉਂ ਵੱਟ ਲਈ ਏ ਚੁੱਪ ਵੇ,
ਫਿਰ ਪਊ ਪਛਤਾਉਣਾ ਜਦੋਂ ਟੁੱਕੇ ਗਏ ਰੁੱਖ ਵੇ।
ਵੇ ਮਾਰ ਹੰਭਲਾ ਜ਼ਮੀਰਾਂ ਆਪਾਂ ਸੁੱਤੀਆਂ ਜਗਾਈਏ,
ਆਜਾ ਦੋਸਤਾ ਵੇ ਰਲ ਕੇ ਰੱਖ, ਪਾਣੀ, ਪੰਛੀ ਬਚਾਈਏ।
ਕਿਸੇ ਦੀ ਨਾ ਕਰਦਾ ਸਮਾਂ ਇੰਤਜ਼ਾਰ ਬੱਚਿਓ,
ਬੜੀ ਤੇਜ਼ ਹੈ ਇਹਦੀ ਰਫ਼ਤਾਰ ਬੱਚਿਓ।
ਭੁੱਲ ਕੇ ਨਾ ਲਿਉ ਇਹ ਨੂੰ ਹੱਥਾਂ ’ਚੋਂ ਗਵਾ ਬੱਚਿਓ
ਹੁਣ ਕਰ ਲਓ ਪੜ੍ਹਾਈਆਂ।
ਗਏ ਪੇਪਰਾਂ ਦੇ ਦਿਨ ਨੇੜੇ ਆ ਬੱਚਿਓ।
ਹੁਣ ਕਰ ਲਓ............................।