ਆਸਟ੍ਰੇਲੀਆ 'ਚ ਬਸੰਤ ਪੰਚਮੀ ਮੌਕੇ ਪੰਜਾਬੀ ਨੌਜਵਾਨਾਂ ਨੇ ਲਗਾਈ ਛਬੀਲ

ਪਰਥ, 2 ਫਰਵਰੀ 2025 : ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ 'ਸਿੱਖ ਗੁਰਦੁਆਰਾ' ਪਰਥ (ਆਸਟਰੇਲੀਆ) ਵਿਖੇ ਪੰਜਾਬ ਦੇ ਨੌਜਵਾਨਾਂ ਵੱਲੋਂ ਸਮੂਹ ਸੰਗਤਾਂ ਲਈ ਠੰਡੇ-ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ, ਕਿਉਂ ਕਿ ਇਸ ਸਮੇਂ ਪਰਥ ਵਿਖੇ ਕਾਫੀ ਗਰਮੀ ਪੈ ਰਹੀ ਹੈ। ਅੱਜ ਮਿਤੀ 2  ਫਰਵਰੀ ਨੂੰ ਪਰਥ ਦੇ ਬੈਨਟ ਸਪਰਿੰਗ ਦੇ 'ਸਿੱਖ ਗੁਰਦੁਆਰਾ' ਵਿਖੇ ਸ੍ਰੀ ਬਸੰਤ ਪੰਚਮੀ ਦਾ ਦਿਹਾੜਾ ਪੂਰਨ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ ਇਸ ਮੌਕੇ ਸੰਗਤਾਂ ਦਾ ਭਾਰੀ ਇਕੱਠ ਸੀ। ਇਸ ਮੌਕੇ ਰਾਗੀਆਂ ਵੱਲੋਂ ਕੀਰਤਨ ਦੇ ਨਾਲ ਨਾਲ ਸਾਖੀਆਂ ਤੇ ਕਵਿਤਾਵਾਂ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ। ਇਸ ਮੌਕੇ ਗੁਰਿੰਦਰ ਮੰਡੇਰ, ਰੁਪਿੰਦਰ ਖੇੜੀ, ਹਰਮਨ ਭੁੱਲਰ, ਗੁਰਪ੍ਰੀਤ ਸਿੱਧੂ, ਜਸਦੀਪ ਸਿੰਘ, ਜਗਦੀਪ ਸਿੰਘ, ਮਨਦੀਪ ਸਿੰਘ, ਲੱਕੀ ਭਦੌੜ ਤੇ ਅਮਨਦੀਪ ਸਿੰਘ ਵਲੋਂ ਤਨਦੇਹੀ ਨਾਲ ਸੇਵਾ ਕੀਤੀ ਗਈ