ਮੁੰਬਈ : ਨਵਾਜ਼ੂਦੀਨ ਸਿੱਦੀਕੀ ਆਪਣੀ ਅਦਾਕਾਰੀ ਦੇ ਨਾਲ ਨਾਲ ਆਪਣੇ ਬੇਬਾਕ ਬਿਆਨਾਂ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਇਸਵਾਰ ਅਦਾਕਾਰ ਸਿੱਦੀਕੀ ਨੇ ਉਨ੍ਹਾਂ ਕਲਾਕਾਰਾਂ ਦਾ ਮਜ਼ਾਕ ਉਡਾਇਆ, ਜੋ ਇਕ ਫਿਲਮ ਲਈ 100 ਕਰੋੜ ਰੁਪਏ ਲੈਂਦੇ ਹਨ। ਨਵਾਜ਼ੂਦੀਨ ਸਿੱਦੀਕੀ ਨੇ ਇਕ ਇੰਟਰਵਿਊ 'ਚ ਕਿਹਾ, 'ਬਾਕਸ ਆਫਿਸ 'ਤੇ ਕੀ ਹੋ ਰਿਹਾ ਹੈ, ਇਸ ਦੀ ਚਿੰਤਾ ਕਰਨਾ ਨਿਰਮਾਤਾ ਦਾ ਕੰਮ ਹੈ। ਅਦਾਕਾਰ ਨੂੰ ਇਸ ਗੱਲ ਦੀ ਚਿੰਤਾ ਨਹੀਂ ਕਰਨੀ ਚਾਹੀਦੀ ਕਿ ਕਿੰਨੀਆਂ ਟਿਕਟਾਂ ਵਿਕ ਰਹੀਆਂ ਹਨ। ਜੇਕਰ ਕੋਈ ਅਭਿਨੇਤਾ ਬਾਕਸ ਆਫਿਸ ਕਲੈਕਸ਼ਨ ਦੀ ਗੱਲ ਕਰਦਾ ਹੈ ਤਾਂ ਮੈਂ ਇਸਨੂੰ ਕਰਾਫਟ ਭ੍ਰਿਸ਼ਟਾਚਾਰ ਵਜੋਂ ਦੇਖਦਾ ਹਾਂ। ਜਿਹੜੇ ਕਲਾਕਾਰ 100 ਕਰੋੜ ਦੀ ਫੀਸ ਲੈਂਦੇ ਹਨ, ਫਿਲਮ ਨੂੰ ਫਲਾਪ ਬਣਾਉਣ ਵਿੱਚ ਉਨ੍ਹਾਂ ਦਾ ਸਭ ਤੋਂ ਵੱਡਾ ਹੱਥ ਹੈ। ਛੋਟੇ ਬਜਟ ਜਾਂ ਮਾਮੂਲੀ ਬਜਟ ਦੀ ਫਿਲਮ ਕਦੇ ਫਲਾਪ ਨਹੀਂ ਹੁੰਦੀ। ਇਸ ਦੇ ਨਾਲ ਹੀ ਅਭਿਨੇਤਾ ਨੇ ਆਪਣੇ ਇੰਟਰਵਿਊ ਵਿੱਚ ਅੱਗੇ ਕਿਹਾ, 'ਇਹ ਇੱਕ ਇਤਿਹਾਸਕ ਤੱਥ ਹੈ ਕਿ ਪੈਸਾ ਵੀ ਹਮੇਸ਼ਾ ਇੱਕ ਚੰਗੀ ਸਕ੍ਰਿਪਟ ਦੇ ਪਿੱਛੇ ਦੌੜਦਾ ਹੈ। ਮੇਰੇ ਕੋਲ ਬਹੁਤ ਸਾਰਾ ਪੈਸਾ ਹੋ ਸਕਦਾ ਹੈ, ਪਰ ਜੇ ਮੇਰੇ ਕੋਲ ਚੰਗੀ ਕਹਾਣੀ ਨਹੀਂ ਹੈ, ਤਾਂ ਉਸ ਪੈਸੇ ਦਾ ਕੋਈ ਫਾਇਦਾ ਨਹੀਂ ਹੈ। ਫਿਲਮ ਇੰਡਸਟਰੀ 'ਚ ਜੇਕਰ ਕਿਸੇ ਕੋਲ ਚੰਗੀ ਸਕ੍ਰਿਪਟ ਹੈ ਤਾਂ ਵੱਡੇ ਬਜਟ ਵਾਲੇ ਬੈਨਰ ਅਤੇ ਨਿਰਮਾਤਾ ਵੀ ਉਸ ਦੇ ਮਗਰ ਲੱਗ ਜਾਣਗੇ। ਸਾਨੂੰ ਅਜਿਹੇ ਲੋਕਾਂ ਨੂੰ ਮੌਕਾ ਦੇਣਾ ਚਾਹੀਦਾ ਹੈ ਜੋ ਚੰਗੇ ਵਿਚਾਰਾਂ ਦੀ ਸਮਝ ਰੱਖਦੇ ਹਨ।
