ਜਲੰਧਰ, 3 ਫਰਵਰੀ 2025 : ਪ੍ਰਯਾਗਰਾਜ ਵਿੱਚ ਚੱਲ ਰਹੇ ਮਹਾਂਕੁੰਭ ਦੌਰਾਨ ਜਲੰਧਰ ਦੀ ਇੱਕ ਔਰਤ ਨੇ ਸਾਧਵੀ ਬਣਨ ਦਾ ਐਲਾਨ ਕੀਤਾ ਹੈ। ਸਵਾਮੀ ਅਨੰਤ ਗਿਰੀ ਦਾ ਵਿਆਹ 1996 ਵਿੱਚ ਹੋਇਆ ਸੀ ਅਤੇ ਉਨ੍ਹਾਂ ਦੇ ਪਤੀ ਦੀ ਮੌਤ 2012 ਵਿੱਚ ਹੋ ਗਈ ਸੀ। ਦੱਸ ਦਈਏ ਕਿ ਸਵਾਮੀ ਅਨੰਤ ਗਿਰੀ ਨੇ ਆਪਣਾ ਸਾਰਾ ਕਾਰੋਬਾਰ ਆਪਣੇ ਪੁੱਤਰ ਸੰਚਿਤ ਚੋਪੜਾ ਨੂੰ ਸੌਂਪ ਦਿੱਤਾ ਹੈ। ਜੋ ਕਿ ਉਨ੍ਹਾਂ ਨੇ ਆਪਣੇ ਪਤੀ ਦੀ ਮੌਤ ਦੇ ਮਗਰੋਂ ਸੰਭਾਲ ਲਿਆ ਸੀ ਅਤੇ ਇੱਕ ਸਫਲ ਕਾਰੋਬਾਰੀ ਔਰਤ ਬਣ ਗਈ। ਜਦੋਂ ਉਸਦਾ ਪੁੱਤਰ ਸੰਚਿਤ 20 ਸਾਲਾਂ ਦਾ ਹੋਇਆ, ਤਾਂ ਉਸਨੇ ਸਾਰਾ ਕਾਰੋਬਾਰ ਉਸਨੂੰ ਸੌਂਪ ਦਿੱਤਾ ਅਤੇ ਅਧਿਆਤਮਿਕ ਅਭਿਆਸ ਦਾ ਰਸਤਾ ਅਪਣਾਇਆ। ਆਪਣੇ ਪਤੀ ਦੀ ਮੌਤ ਤੋਂ ਬਾਅਦ ਅਨੰਤ ਗਿਰੀ ਗੁਰੂ ਸਵਾਮੀ ਸਤਿਆਸਵਰੂਪਾਨੰਦ ਨੂੰ ਮਿਲੀ। ਗੁਰੂ ਜੀ ਨੇ ਉਸਨੂੰ ਆਪਣਾ ਆਤਮਵਿਸ਼ਵਾਸ ਵਧਾਉਣ ਅਤੇ ਅਧਿਆਤਮਿਕ ਗਿਆਨ ਵੱਲ ਵਧਣ ਲਈ ਪ੍ਰੇਰਿਤ ਕੀਤਾ। ਇਸ ਤੋਂ ਬਾਅਦ ਉਸਨੇ ਆਪਣੇ ਆਪ ਨੂੰ ਪੂਰੀ ਤਰ੍ਹਾਂ ਧਿਆਨ ਅਤੇ ਅਧਿਆਤਮਿਕ ਅਭਿਆਸ ਲਈ ਸਮਰਪਿਤ ਕਰ ਦਿੱਤਾ। ਸਵਾਮੀ ਅਨੰਤ ਗਿਰੀ ਨੇ ਸਾਲ 2019 ਵਿੱਚ, ਉਹ ਗੁਰੂ ਸ਼੍ਰੀ 1008 ਮਹਾਮੰਡਲੇਸ਼ਵਰ ਸਵਾਮੀ ਚਰਨਾਸ਼੍ਰਿਤ ਗਿਰੀ ਜੀ ਮਹਾਰਾਜ ਨੂੰ ਮਿਲੇ ਸੀ। ਉਨ੍ਹਾਂ ਤੋਂ ਸਵਰ ਵਿਦਿਆ ਦੀ ਦੀਖਿਆ ਲਈ ਅਤੇ ਸ਼੍ਰੀ ਵਿਦਿਆ ਸਾਧਨਾ ਸ਼ੁਰੂ ਕੀਤੀ। ਅਨੰਤ ਗਿਰੀ ਦੱਸਦੇ ਹਨ ਕਿ ਸਵਰ ਸ਼ਾਸਤਰ ਦਾ ਗਿਆਨ ਭਗਵਾਨ ਸ਼ਿਵ ਅਤੇ ਮਾਤਾ ਪਾਰਵਤੀ ਵਿਚਕਾਰ ਹੋਏ ਸੰਵਾਦ ਤੋਂ ਪ੍ਰੇਰਿਤ ਹੈ। ਇਸ ਗਿਆਨ ਰਾਹੀਂ ਉਹ ਨੌਜਵਾਨਾਂ ਨੂੰ ਸਵੈ-ਜਾਗਰੂਕਤਾ, ਮਾਨਸਿਕ ਸੰਤੁਲਨ ਅਤੇ ਅਧਿਆਤਮਿਕ ਤਰੱਕੀ ਦੀ ਕਲਾ ਸਿਖਾ ਰਹੀ ਹੈ। ਉਹ ਗਾਇਤਰੀ ਮੰਤਰ, ਅਗਨੀਹੋਤਰ ਅਤੇ ਸਾਹ ਲੈਣ ਦੀਆਂ ਕਸਰਤਾਂ ਰਾਹੀਂ ਨੌਜਵਾਨਾਂ ਨੂੰ ਸਨਾਤਨ ਧਰਮ ਨਾਲ ਜੋੜਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਦੱਸ ਦਈਏ ਕਿ ਅਨੰਤ ਗਿਰੀ ਨੌਜਵਾਨਾਂ ਨੂੰ ਸਨਾਤਨ ਧਰਮ ਦਾ ਸਹੀ ਗਿਆਨ ਦੇਣ ਲਈ ਲੰਬੇ ਸਮੇਂ ਤੋਂ ਕੰਮ ਕਰ ਰਹੇ ਹਨ।
