ਸੰਯੁਕਤ ਰਾਜ ਨੇ ਮਾਪਿਆਂ ਅਤੇ ਸਿਹਤ ਕਰਮਚਾਰੀਆਂ ਨੂੰ ਅਗਲੇ ਕੁਝ ਮਹੀਨਿਆਂ ਵਿੱਚ ਪੋਲੀਓ ਵਰਗੀ ਬਿਮਾਰੀ, ਐਕਿਯੂਟ ਪਲੈਸਿਡ ਮਏਲੈਟਿਸ ਦੀ ਚੇਤਾਵਨੀ ਦਿੱਤੀ ਹੈ। ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰ (ਸੀਡੀਸੀ) ਨੇ ਮੰਗਲਵਾਰ ਨੂੰ ਇੱਕ ਰੀਲੀਜ਼ ਜਾਰੀ ਕਰਕੇ ਇਹ ਜਾਣਕਾਰੀ ਦਿੱਤੀ। ਰੀਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ ਅਗਸਤ ਅਤੇ ਨਵੰਬਰ ਦੇ ਵਿਚਕਾਰ ਅਚਾਨਕ ਅੰਗ ਕਮਜ਼ੋਰੀ ਹੋਣ ਦੀ ਸਥਿਤੀ ਵਿੱਚ ਮਾਪਿਆਂ ਅਤੇ ਡਾਕਟਰਾਂ ਨੂੰ ਏਐਫਐਮ ਦੇ ਸ਼ੱਕੀ ਮਰੀਜ਼ਾਂ ਵਜੋਂ ਮੰਨਿਆ ਜਾਣਾ ਚਾਹੀਦਾ ਹੈ। ਹਾਲ ਹੀ ਵਿੱਚ ਸਾਹ ਦੀ ਕਮੀ ਜਾਂ ਬੁਖਾਰ ਅਤੇ ਗਲੇ ਜਾਂ ਪਿੱਠ ਵਿੱਚ ਦਰਦ ਜਾਂ ਹੋਰ ਨਿਊਰੋ ਲੱਛਣ ਉਨ੍ਹਾਂ ਦੀਆਂ ਚਿੰਤਾਵਾਂ ਨੂੰ ਵਧਾ ਸਕਦੇ ਹਨ। ਸੀਡੀਸੀ ਦੀ ਰੀਲੀਜ਼ ਅੱਗੇ ਕਹਿੰਦੀ ਹੈ ਕਿ ਏਐਫਐਮ ਇੱਕ ਮੈਡੀਕਲ ਐਮਰਜੈਂਸੀ ਹੈ ਅਤੇ ਮਰੀਜ਼ਾਂ ਨੂੰ ਤੁਰੰਤ ਸਿਹਤ ਦੇਖਭਾਲ ਮਿਲਣੀ ਚਾਹੀਦੀ ਹੈ, ਇੱਥੋਂ ਤੱਕ ਕਿ ਉਨ੍ਹਾਂ ਖੇਤਰਾਂ ਵਿੱਚ ਜਿੱਥੇ ਬਹੁਤ ਸਾਰੇ ਕੋਰੋਨਾਵਾਇਰਸ ਦੇ ਕੇਸ ਹਨ. ਇਸ ਸਾਲ ਸਮਾਜਕ ਦੂਰੀਆਂ ਦੇ ਕਾਰਨ ਕੋਰੋਨਾ ਦੀ ਇੱਕ ਹੋਰ ਲਹਿਰ ਵਿੱਚ ਦੇਰੀ ਹੋ ਸਕਦੀ ਹੈ ਅਤੇ ਅਜਿਹੀ ਸਥਿਤੀ ਵਿੱਚ ਏਐਫਐਮ ਦੇ ਕੇਸ ਉਮੀਦ ਨਾਲੋਂ ਵੱਧ ਸਕਦੇ ਹਨ। ਇਸ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ 2014 ਤੋਂ ਹਰ ਦੋ ਸਾਲਾਂ ਬਾਅਦ ਨਿਊਰੋਲੌਜੀਕਲ ਬਿਮਾਰੀ ਕਾਰਨ ਅਧਰੰਗ ਦੇ ਮਾਮਲੇ ਸਾਹਮਣੇ ਆਏ ਹਨ। 2018 ਵਿੱਚ ਸਭ ਤੋਂ ਵੱਡਾ ਪ੍ਰਕੋਪ 42 ਰਾਜਾਂ ਵਿੱਚ ਹੋਇਆ, ਜਿਸ ਨਾਲ 239 ਲੋਕ ਬਿਮਾਰ ਹੋਏ, ਜਿਨ੍ਹਾਂ ਚੋਂ ਲਗਪਗ 95 ਪ੍ਰਤੀਸ਼ਤ ਬੱਚੇ ਹਨ।
ਸੀਡੀਸੀ ਦੇ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਐਮਰਜੈਂਸੀ ਵਿਭਾਗ ਵਿੱਚ Pediatricians ਅਤੇ ਫਰੰਟਲਾਈਨ ਪ੍ਰਦਾਤਾ (Frontline Providers) ਅਤੇ ਐਮਰਜੈਂਸੀ ਕੇਅਰਸ (Urgent Cares) ਨੂੰ ਤੁਰੰਤ ਏਐਫਐਮ ਨੂੰ ਪਛਾਣਨ ਅਤੇ ਮਰੀਜ਼ਾਂ ਨੂੰ ਤੁਰੰਤ ਹਸਪਤਾਲ ਵਿੱਚ ਭਰਤੀ ਕਰਨ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਉਸ ਸਮੇਂ ਹਰ ਇੱਕ ਕਦਮ 'ਤੇ ਸਮਾਂ ਕਾਫੀ ਮਹੱਤਵਪੂਰਨ ਹੁੰਦਾ ਹੈ, ਇਸ ਲਈ ਏਐਫਐਮ ਦੀ ਛੇਤੀ ਖੋਜ ਨਾਲ ਇਸਦਾ ਜਲਦੀ ਇਲਾਜ ਸੰਭਵ ਹੋ ਜਾਵੇਗਾ।
