ਕੋਟਕਪੂਰਾ 12 ਜੂਨ : ਪੰਜਾਬ ਵਿਧਾਨ ਸਭਾ ਸਪੀਕਰ ਸ. ਕੁਲਤਾਰ ਸਿੰਘ ਸੰਧਵਾਂ ਨੇ ਪਿੰਡ ਢੀਮਾਂ ਵਾਲੀ ਵਿਚ ਗੁਰਦੁਆਰਾ ਸਾਹਿਬ ਵਿਖੇ ਸਾਓਲ ਹਾਰਟ ਮੈਡੀਕਲ ਕੈਂਪ ਦਾ ਉਦਘਾਟਨ ਕੀਤਾ । ਸ. ਸਪੀਕਰ ਸੰਧਵਾਂ ਨੇ ਪਿੰਡ ਦੇ ਲੋਕਾਂ ਦਾ ਹਾਲਚਾਲ ਪੁੱਛਿਆ। ਉਥੇ ਪਹੁੰਚੇ ਮਾਹਿਰ ਡਾਕਟਰਾਂ ਤੋਂ ਮਰੀਜਾਂ ਦੇ ਬਾਰੇ ਜਾਣਕਾਰੀ ਲਈ ਅਤੇ ਲੋਕਾਂ ਨੂੰ ਸਮੇਂ-ਸਿਰ ਮੈਡੀਕਲ ਸਹੂਲਤ ਦੇਣ ਲਈ ਡਾਕਟਰਾਂ ਨੂੰ ਅਪੀਲ ਕੀਤੀ। ਉਨ੍ਹਾਂ ਨੇ ਇਹ ਵੀ ਅਪੀਲ ਕੀਤੀ ਕਿ ਲੋਕਾਂ ਨੂੰ ਮੈਡੀਕਲ ਸਹੂਲਤ ਦੇਣ ਵਿਚ ਕਿਸੇ ਤਰਾਂ ਦਿੱਕਤ ਪੇਸ਼ ਨਾ ਆਵੇ। ਕੈਂਪ ਵਿਚ ਮਾਹਿਰ ਡਾਕਟਰਾਂ ਵੱਲੋਂ ਪਿੰਡ ਦੇ ਲੋਕਾਂ ਦਾ ਮੈਡੀਕਲ ਚੈਕਅਪ ਕੀਤਾ ਗਿਆ ਅਤੇ ਉਨ੍ਹਾਂ ਦੀ ਲੋੜ ਅਨੁਸਾਰ ਮੈਡੀਕਲ ਟੈਸਟ ਕੀਤੇ ਗਏ ਅਤੇ ਲੋੜੀਂਦੀਆਂ ਦਵਾਈਆਂ ਮੁਹੱਈਆਂ ਕਰਵਾਈਆਂ ਗਈਆਂ। ਇਸ ਮੌਕੇ ਡਾ. ਬਿਮਲ ਛਾਜਰ ( ਸਾਬਕਾ ਸਲਾਹਕਾਰ ਏਮਜ (ਨਵੀਂ ਦਿੱਲੀ), ਡਾ. ਹਸਨ ਯੁਸੂਫ, ਡਾ. ਮਨੁਪ੍ਰੀਯਾ ਵਰਮਾ, ਪੀਆਰਓ ਮਨਪ੍ਰੀਤ ਸਿੰਘ ਮਨੀ ਧਾਲੀਵਾਲ, ਆਪ ਵਰਕਰ ਅੰਗਰੇਜ ਸਿੰਘ, ਨਵਦੀਪ ਸਿੰਘ, ਇਕੱਤਰ ਸਿੰਘ ਨੰਬਰਦਾਰ, ਜਸਵਿੰਦ ਸਿੰਘ, ਰੈਡ ਕਰਾਸ ਦਾ ਸੈਕਟਰੀ ਮਨਦੀਪ ਸਿੰਘ ਮੋਂਗਾ, ਹਾਕਮ ਸਿੰਘ ਖਾਲਸਾ ਮੌਜੂਦ ਸਨ।
