ਚੰਡੀਗੜ੍ਹ : ਥਾਪਰ ਇੰਸਟੀਚਿਊਟ ਆਫ਼ ਇੰਜਨੀਅਰਿੰਗ ਐਂਡ ਟੈਕਨਾਲੋਜੀ, ਪਟਿਆਲਾ, ਪੰਜਾਬ ਨੇ ਪੰਜਾਬ ਅਤੇ ਉੱਤਰੀ ਖੇਤਰ ਵਿੱਚ ਵਾਤਾਵਰਣ ਦੀ ਨਿਗਰਾਨੀ ਲਈ ਥਾਪਰਸੈਟ: ਇੱਕ ਨੈਨੋ-ਸੈਟੇਲਾਈਟ ਲਾਂਚ ਕਰਨ ਦਾ ਪ੍ਰਸਤਾਵ ਦਿੱਤਾ ਹੈ। ਥਾਪਰ ਇੰਸਟੀਚਿਊਟ ਆਫ਼ ਇੰਜਨੀਅਰਿੰਗ ਐਂਡ ਟੈਕਨਾਲੋਜੀ (ਟੀ.ਆਈ.ਈ.ਟੀ), ਭਾਰਤ ਦੇ ਸਭ ਤੋਂ ਪੁਰਾਣੇ ਅਤੇ ਉੱਤਮ ਵਿਦਿਅਕ ਅਦਾਰਿਆਂ ਵਿੱਚੋਂ ਇੱਕ ਹੈ, ਜੋ ਦੇਸ਼ ਦੇ ਨਾਲ-ਨਾਲ ਵਿਦੇਸ਼ਾਂ ਵਿੱਚ ਉੱਚ ਹੁਨਰਮੰਦ ਪ੍ਰਤਿਭਾ ਦਾ ਇੱਕ ਸਥਿਰ ਸਰੋਤ ਪ੍ਰਦਾਨ ਕਰਦਾ ਹੈ। ਟੀ.ਆਈ.ਈ.ਟੀ ਦੇ ਸੰਸਥਾਪਕ ਮਰਹੂਮ ਲਾਲਾ ਕਰਮ ਚੰਦ ਥਾਪਰ ਜੀ ਦਾ ਮੰਨਣਾ ਸੀ ਕਿ "ਭਾਰਤ ਉਦੋਂ ਹੀ ਆਜ਼ਾਦੀ ਦੇ ਫਲਾਂ ਦਾ ਸੱਚਮੁੱਚ ਆਨੰਦ ਮਾਣ ਸਕਦਾ ਹੈ ਜਦੋਂ ਉਹ ਆਰਥਿਕ ਤੌਰ 'ਤੇ ਮਜ਼ਬੂਤ ਬਣਨਾ ਚਾਹੁੰਦਾ ਹੈ। ਇਹ ਤਾਂ ਹੀ ਆਪਣੀ ਪੂਰੀ ਸਮਰੱਥਾ ਤੱਕ ਪਹੁੰਚ ਸਕਦਾ ਹੈ ਜੇਕਰ ਇਸ ਦੇ ਨੌਜਵਾਨਾਂ ਨੂੰ ਦੁਨੀਆ ਦੇ ਸਭ ਤੋਂ ਸਤਿਕਾਰਤ, ਪ੍ਰੇਰਿਤ ਅਤੇ ਉੱਚ ਸਿਖਲਾਈ ਪ੍ਰਾਪਤ ਤਕਨੀਕੀ ਕਰਮਚਾਰੀਆਂ ਵਿੱਚ ਸ਼ਾਮਲ ਹੋਣ ਲਈ ਸਿੱਖਿਅਤ ਕੀਤਾ ਜਾਵੇ।ਇਸ ਦਿਸ਼ਾ ਵਿੱਚ ਇੱਕ ਕਦਮ ਅੱਗੇ ਵਧਦੇ ਹੋਏ ਅਤੇ ਆਪਣੇ ਵਿਦਿਆਰਥੀਆਂ ਨੂੰ ਸੈਟੇਲਾਈਟ ਨਿਰਮਾਣ ਅਤੇ ਸਪੇਸ ਮਿਸ਼ਨਾਂ ਵਿੱਚ ਸ਼ਾਮਲ ਇੰਜੀਨੀਅਰਿੰਗ ਅਤੇ ਤਕਨੀਕੀ ਵਿਕਾਸ ਵਿੱਚ ਅਨੁਭਵੀ ਸਿੱਖਿਆ ਪ੍ਰਦਾਨ ਕਰਦੇ ਹੋਏ, ਟੀ.ਆਈ.ਈ.ਟੀ ਦੇ ਚੇਅਰਮੈਨ ਸ਼੍ਰੀ ਆਰ.ਆਰ. ਵੇਡੇਰਾਹ ਅਤੇ ਡਾਇਰੈਕਟਰ ਪ੍ਰੋ. ਪ੍ਰਕਾਸ਼ ਗੋਪਾਲਨ ਆਪਣੇ ਪਹਿਲੇ ਵਿਦਿਆਰਥੀ ਨੈਨੋ-ਸੈਟੇਲਾਈਟ “ਥਾਪਰਸੈਟ” ਦੀ ਘੋਸ਼ਣਾ ਕਰਦੇ ਹੋਏ ਮਾਣ ਮਹਿਸੂਸ ਕਰਦੇ ਹਨ ਜਿਸਦੀ ਲੋਅ-ਅਰਥ ਆਰਬਿਟ ਵਿੱਚ ਉਡਾਣ ਭਰੀ ਜਾਵੇਗੀ। ਵੱਖ-ਵੱਖ ਇੰਜੀਨੀਅਰਿੰਗ ਵਿਭਾਗਾਂ ਦੇ 25 ਵਿਦਿਆਰਥੀਆਂ ਅਤੇ 6 ਫੈਕਲਟੀ ਸਲਾਹਕਾਰਾਂ ਦੀ ਇੱਕ ਬਹੁਤ ਹੀ ਸਮਰਪਿਤ ਟੀਮ ਵਿਅਕਤੀਗਤ ਉਪ-ਸਿਸਟਮ ਬਣਾਉਣ ਵਿੱਚ ਸ਼ਾਮਲ ਹੈ। ਸੈਟੇਲਾਈਟ ਦਾ ਉਦੇਸ਼ ਗ੍ਰੀਨਹਾਊਸ ਗੈਸਾਂ ਦੇ ਕਾਰਨ ਪ੍ਰਦੂਸ਼ਣ ਦੀ ਨਿਗਰਾਨੀ ਕਰਨਾ, ਮੁੱਖ ਤੌਰ 'ਤੇ ਪੰਜਾਬ ਅਤੇ ਆਮ ਤੌਰ 'ਤੇ ਉੱਤਰੀ ਭਾਰਤ ਵਿੱਚ ਮਿੱਟੀ ਦੀ ਨਮੀ ਦੀ ਮਾਤਰਾ ਨੂੰ ਮਾਪਣਾ ਅਤੇ ਪੂਰੇ ਭਾਰਤ ਉਪ ਮਹਾਂਦੀਪ ਵਿੱਚ ਮੀਥੇਨ ਗੈਸ ਦੀ ਨਿਯਮਤ ਨਿਗਰਾਨੀ ਕਰਨਾ ਹੈ। ਇਹ ਪੰਜਾਬ ਅਤੇ ਭਾਰਤ ਦੇ ਉੱਤਰੀ ਹਿੱਸੇ ਦੇ ਵਾਤਾਵਰਣ ਅਤੇ ਖੇਤੀਬਾੜੀ ਪਹਿਲੂਆਂ ਦੀ ਨਿਗਰਾਨੀ ਕਰਨ ਲਈ ਲਾਭਦਾਇਕ ਹੋਵੇਗਾ। ਟੀ.ਆਈ.ਈ.ਟੀ ਵਿਦਿਆਰਥੀ ਸੈਟੇਲਾਈਟ ਪ੍ਰੋਜੈਕਟ ਲਈ ਡੇਟਾ ਪੈਟਰਨ, ਚੇਨਈ ਨਾਲ ਸਹਿਯੋਗ ਕਰ ਰਿਹਾ ਹੈ। ਡਾਟਾ ਪੈਟਰਨ ਦੀ ਟੀਮ ਸੈਟੇਲਾਈਟ ਅਤੇ ਨਿਗਰਾਨੀ ਸਟੇਸ਼ਨ ਦੇ ਵਿਕਾਸ ਦੇ ਵੱਖ-ਵੱਖ ਪੜਾਵਾਂ ਦੌਰਾਨ ਟੀ.ਆਈ.ਈ.ਟੀ ਦੀਆਂ ਟੀਮਾਂ ਦੀ ਸਹਾਇਤਾ ਅਤੇ ਸਲਾਹ ਦੇਣ ਵਿੱਚ ਸਰਗਰਮੀ ਨਾਲ ਸ਼ਾਮਲ ਹਨ।ਮੈਨੇਜਮੈਂਟ ਅਤੇ ਪ੍ਰੋਜੈਕਟ ਐਗਜ਼ੀਕਿਊਸ਼ਨ ਟੀਮ ਥਾਪਰ ਸੈਟੇਲਾਈਟ ਮਾਨੀਟਰਿੰਗ ਸਟੇਸ਼ਨ ਦੇ ਉਦਘਾਟਨ ਜੋ ਕਿ 19-09-2022 ਨੂੰ ਕੀਤਾ ਗਿਆ 'ਤੇ ਬਹੁਤ ਖੁਸ਼ ਹਨ ਜੋ ਉਨ੍ਹਾਂ ਦੇ ਅਭਿਲਾਸ਼ੀ ਪ੍ਰੋਜੈਕਟ ਲਈ ਇੱਕ ਮੀਲ ਪੱਥਰ ਹੈ। ਸਟੇਸ਼ਨ ਦਾ ਉਦਘਾਟਨ ਡਾ: ਏ.ਐਸ. ਪਿੱਲਈ, ਸੰਸਥਾਪਕ ਸੀ.ਈ.ਓ ਅਤੇ ਐਮ.ਡੀ, ਬ੍ਰਹਮੋਸ ਏਰੋਸਪੇਸ (ਮੈਂਬਰ ਬੀ.ਓ.ਜੀ, ਟੀ.ਆਈ.ਈ.ਟੀ) ਅਤੇ ਸ਼੍ਰੀ ਆਰ.ਆਰ. ਵੇਡੇਰਾ, ਚੇਅਰਮੈਨ (ਬੀ.ਓ.ਜੀ), ਟੀ.ਆਈ.ਈ.ਟੀ, ਨੇ ਪ੍ਰੋ. ਪ੍ਰਕਾਸ਼ ਗੋਪਾਲਨ, ਡਾਇਰੈਕਟਰ ਟੀ.ਆਈ.ਈ.ਟੀ, ਹੋਰ ਫੈਕਲਟੀ ਮੈਂਬਰਾਂ ਅਤੇ ਪ੍ਰਸ਼ਾਸਨਿਕ ਸਟਾਫ ਦੀ ਮੌਜੂਦਗੀ ਵਿੱਚ ਕੀਤਾ | ਥਾਪਰਸੈਟ ਨੂੰ ਲਾਂਚ ਇੰਡੀਅਨ ਸਪੇਸ ਰਿਸਰਚ ਓਰਗਨਾਈਜ਼ੇਸ਼ਨ (ਇਸਰੋ) ਦੁਆਰਾ ਸਤੀਸ਼ ਧਵਨ ਸਪੇਸ ਕੇਂਦਰ, ਸ਼੍ਰੀਹਰੀਕੋਟਾ, ਆਂਧਰਾ ਪ੍ਰਦੇਸ਼ ਤੋਂ ਭਾਰਤ ਦੇ ਪੀਐਸਐਲਵੀ ਲਾਂਚ ਵਾਹਨ ਦੁਆਰਾ ਕੀਤਾ ਜਾਵੇਗਾ। ਟੀ.ਆਈ.ਈ.ਟੀ ਟੀਮ ਦੁਆਰਾ ਇਸਰੋ ਨੂੰ ਜਲਦੀ ਹੀ ਇਸ ਲਈ ਪ੍ਰਸਤਾਵ ਪੇਸ਼ ਕੀਤਾ ਜਾਵੇਗਾ। ਡਾ. ਏ.ਐਸ. ਪਿੱਲਈ ਜੀ ਦਾ ਕਹਿਣਾ ਹੈ ਕਿ "ਪ੍ਰਸਤਾਵਿਤ ਸੈਟੇਲਾਈਟ ਵਿੱਚ ਹਵਾ ਪ੍ਰਦੂਸ਼ਣ ਅਤੇ ਮਿੱਟੀ ਦੀ ਨਮੀ ਦੀ ਮਾਤਰਾ ਮਾਪਣ ਤੋਂ ਇਲਾਵਾ ਹੋਰ ਖੇਤਰਾਂ ਵਿਚ ਵੀ ਕਈ ਐਪਲੀਕੇਸ਼ਨਾਂ ਹਨ "। ਇਸ ਵਿਖੇ ਵਿੱਚ ਪ੍ਰੋ. ਪ੍ਰਕਾਸ਼ ਗੋਪਾਲਨ ਜੀ ਨੇ ਅੱਗੇ ਕਿਹਾ ਕਿ ਟੀ.ਆਈ.ਈ.ਟੀ, ਪਟਿਆਲਾ ਇਸ ਉਪਲਬਧ ਵਿਚ ਪੰਜਾਬ ਭਰ ਦੀਆਂ ਵੱਖ-ਵੱਖ ਸਰਕਾਰੀ ਸੰਸਥਾਵਾਂ, ਖੋਜ ਕੇਂਦਰਾਂ ਅਤੇ ਯੂਨੀਵਰਸਿਟੀਆਂ ਨਾਲ ਸਹਿਯੋਗ ਕਰਨ ਦੀ ਵੀ ਯੋਜਨਾ ਬਣਾ ਰਿਹਾ ਹੈ। "ਥਾਪਰਸੈਟ 2 - 5 ਮਾਈਕ੍ਰੋਮੀਟਰ ਦੀ ਵੇਵ-ਲੈਂਥ ਰੇਂਜ ਵਿੱਚ ਇੱਕ ਮੱਧ-ਇਨਫਰਾਰੈੱਡ ਡਿਟੈਕਟਰ ਰੱਖਦਾ ਹੈ ਅਤੇ ਟੀ.ਆਈ.ਈ.ਟੀ ਕੈਂਪਸ, ਪਟਿਆਲਾ, ਵਿੱਚ ਇੱਕ ਪੂਰੀ ਤਰ੍ਹਾਂ ਲੈਸ ਮਾਨੀਟਰਿੰਗ ਸਟੇਸ਼ਨ ਸਥਾਪਤ ਕੀਤਾ ਗਿਆ ਹੈ, ਜੋ ਕਿ ਨਿਯਮਿਤ ਤੌਰ 'ਤੇ ਸੈਟੇਲਾਈਟ ਨੂੰ ਟਰੈਕ ਕਰਨ ਅਤੇ ਵੱਖ-ਵੱਖ ਐਪਲੀਕੇਸ਼ਨਾਂ ਲਈ ਪੇਲੋਡ ਡੇਟਾ ਦੀ ਪ੍ਰਕਿਰਿਆ ਕਰਨ ਲਈ ਹੈ। ਇਹ ਪ੍ਰੋਜੈਕਟ ਡਾ. ਏ.ਐਸ. ਪਿੱਲਈ ਜੀ ਦੀ ਯੋਗ ਅਗਵਾਈ ਹੇਠ ਇੱਕ ਸੰਪੂਰਨ ਸਫ਼ਰ ਰਿਹਾ ਹੈ। ਪਿੱਲਈ ਜੀ ਅਤੇ ਟੀ.ਆਈ.ਈ.ਟੀ ਦੇ ਪ੍ਰਬੰਧਨ ਨਾਲ ਅਸੀਂ ਇਸ ਪ੍ਰੋਜੈਕਟ ਨੂੰ ਨਿਰਧਾਰਤ ਸਮੇਂ ਵਿੱਚ ਸਫਲਤਾਪੂਰਵਕ ਪੂਰਾ ਕਰਨ ਦੀ ਉਮੀਦ ਕਰ ਰਹੇ ਹਾਂ”|
