ਚਾਈਬਾਸਾ, 17 ਮਾਰਚ 2025 : ਝਾਰਖੰਡ ਦੇ ਪੱਛਮੀ ਸਿੰਘਭੂਮ ਜ਼ਿਲੇ ਦੇ ਜਗਨਨਾਥਪੁਰ ਥਾਣਾ ਅਧੀਨ ਪੈਂਦੇ ਪਿੰਡ ਗਿਟਿਲੀਪੀ 'ਚ ਤੂੜੀ ਨਾਲ ਬਣੇ ਘਰ 'ਚ ਅੱਗ ਲੱਗਣ ਕਾਰਨ ਚਾਰ ਬੱਚਿਆਂ ਦੀ ਮੌਤ ਹੋ ਗਈ। ਘਟਨਾ ਸੋਮਵਾਰ ਸਵੇਰੇ 11 ਵਜੇ ਦੇ ਕਰੀਬ ਵਾਪਰੀ। ਪੁਲਸ ਮੌਕੇ 'ਤੇ ਪਹੁੰਚ ਗਈ ਹੈ ਅਤੇ ਚਾਰਾਂ ਬੱਚਿਆਂ ਦੀਆਂ ਬੁਰੀ ਤਰ੍ਹਾਂ ਸੜੀਆਂ ਹੋਈਆਂ ਲਾਸ਼ਾਂ ਨੂੰ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਚਾਰੇ ਬੱਚੇ ਘਰ ਵਿੱਚ ਤੂੜੀ ਵਿੱਚ ਖੇਡ ਰਹੇ ਸਨ। ਪਿੰਡ ਦੀ ਇੱਕ ਔਰਤ ਬਿਰੰਗ ਗਗੜੀ ਪਾਣੀ ਲੈਣ ਆਈ ਸੀ, ਜਿਸ ਦੌਰਾਨ ਉਸ ਨੇ ਦੇਖਿਆ ਕਿ ਤੂੜੀ ਵਾਲੇ ਘਰ ਨੂੰ ਅੱਗ ਲੱਗੀ ਹੋਈ ਸੀ ਅਤੇ ਬੱਚੇ ਇਸ ਵਿੱਚ ਸੜ ਰਹੇ ਸਨ। ਇਹ ਦੇਖ ਕੇ ਬੱਚਿਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਦੋਂ ਤੱਕ ਚਾਰੇ ਬੱਚੇ ਸੜ ਕੇ ਮਰ ਚੁੱਕੇ ਸਨ। ਮ੍ਰਿਤਕ ਬੱਚਿਆਂ ਵਿੱਚ ਅਰਜੁਨ ਚਤਰ ਦਾ ਪੰਜ ਸਾਲਾ ਪੁੱਤਰ ਪ੍ਰਿੰਸ ਚਤਰ, ਚੰਦਰਮੋਹਨ ਸਿੰਕੂ ਦਾ ਪੰਜ ਸਾਲਾ ਪੁੱਤਰ ਸਾਹਿਲ ਸਿੰਕੂ, ਸੁਖਰਾਮ ਸੁੰਡੀ ਦਾ ਦੋ ਸਾਲਾ ਪੁੱਤਰ ਰੋਹਿਤ ਸੁੰਡੀ ਅਤੇ ਪੰਜ ਸਾਲਾ ਲੜਕੀ ਭੂਮਿਕਾ ਸੁੰਡੀ ਸ਼ਾਮਲ ਹਨ।
