ਬੇਨਿਨ, 24 ਸਤੰਬਰ : ਨਾਈਜੀਰੀਆ ਦੀ ਸਰਹੱਦ ਦੇ ਨੇੜੇ ਬੇਨਿਨ ਵਿੱਚ ਇੱਕ ਪੈਟਰੋਲ ਗੋਦਾਮ ‘ਚ ਉਸ ਸਮੇਂ ਅੱਗ ਭਿਆਨਕ ਅੱਗ ਲੱਗ ਗਈ, ਜਦੋਂ ਇੱਕ ਗੱਡੀ ਵਿੱਚੋਂ ਪੈਟਰੋਲ ਦੇ ਬੈਗ ਉਤਾਰੇ ਜਾ ਰਹੇ ਸਨ, ਜਿਸ ਕਾਰਨ 35 ਲੋਕਾਂ ਦੀ ਮੌਤ ਅਤੇ 10 ਤੋਂ ਜਿਆਦਾ ਦੇ ਜਖ਼ਮੀ ਹੋ ਜਾਣ ਦੀ ਖਬਰ ਹੈ। ਬੇਨੀਨੀਜ਼ ਗ੍ਰਹਿ ਅਤੇ ਜਨਤਕ ਸੁਰੱਖਿਆ ਮੰਤਰਾਲੇ ਨੇ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਅੱਗ ਨੇ ਜਗ੍ਹਾ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ, ਜਿਸ ਵਿਚ ਇਕ ਬੱਚੇ ਸਮੇਤ 35 ਲੋਕਾਂ ਦੀ ਮੌਤ ਹੋ ਗਈ ਅਤੇ ਇਕ ਦਰਜਨ ਤੋਂ ਵੱਧ ਲੋਕਾਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸਥਿਤੀ ਨਾਲ ਨਜਿੱਠਣ ਲਈ ਫਾਇਰ ਬ੍ਰਿਗੇਡ, ਪੁਲਿਸ ਅਤੇ ਮੈਡੀਕਲ ਟੀਮਾਂ ਨੂੰ ਤੁਰੰਤ ਤਾਇਨਾਤ ਕੀਤਾ ਗਿਆ ਸੀ, ਸਰਕਾਰੀ ਵਕੀਲ ਦੇ ਦਫ਼ਤਰ ਨੇ ਹਾਦਸੇ ਦੇ ਕਾਰਨਾਂ ਦੀ ਪੂਰੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਬੇਨਿਨ ਵਿਚ ਪੈਟਰੋਲ ਇਸ ਦੇ ਪੂਰਬੀ ਗੁਆਂਢੀ ਨਾਈਜੀਰੀਆ ਤੋਂ ਆਉਂਦਾ ਹੈ, ਇੱਕ ਪ੍ਰਮੁੱਖ ਤੇਲ ਉਤਪਾਦਕ, ਜਿੱਥੇ ਬਾਲਣ ਸਸਤਾ ਹੈ। ਬੇਨਿਨ ਦੇ ਕਸਬਿਆਂ ਅਤੇ ਆਂਢ-ਗੁਆਂਢ ਦੀਆਂ ਸੜਕਾਂ 'ਤੇ ਵੇਚਿਆ ਜਾਣ ਵਾਲਾ ਹਜ਼ਾਰਾਂ ਲੀਟਰ ਪੈਟਰੋਲ ਆਮ ਤੌਰ 'ਤੇ ਬੇਨਿਨ-ਨਾਈਜੀਰੀਆ ਸਰਹੱਦ ਦੇ ਨਾਲ ਸਟੇਸ਼ਨਾਂ ਤੋਂ ਆਉਂਦਾ ਹੈ। ਕਾਰੋਬਾਰ, ਜੋ ਕਿ ਬਹੁਤ ਜ਼ਿਆਦਾ ਮੁਨਾਫਾ ਪੈਦਾ ਕਰਦਾ ਹੈ, ਉੱਥੇ ਹੀ ਵਿਚ ਬਹੁਤ ਸਾਰੇ ਜੋਖਮ ਵੀ ਸ਼ਾਮਲ ਹੁੰਦੇ ਹਨ ਕਿਉਂਕਿ ਉਤਪਾਦ ਨੂੰ ਸਟੋਰ ਕਰਨ ਦਾ ਤਰੀਕਾ ਸਹੀ ਨਹੀਂ ਹੈ। ਇਸ ਕਾਰਨ ਅੱਗ ਲੱਗਣ ਦੀਆਂ ਘਟਨਾਵਾਂ ਅਕਸਰ ਵਾਪਰਦੀਆਂ ਰਹਿੰਦੀਆਂ ਹਨ ਅਤੇ ਭਾਰੀ ਨੁਕਸਾਨ ਹੁੰਦਾ ਹੈ। a
