ਬੈਂਕਾਕ, 8 ਜਨਵਰੀ : ਮਿਆਂਮਾਰ ਦੇ ਉੱਤਰ-ਪੱਛਮ ਵਿੱਚ ਇੱਕ ਪਿੰਡ ਉੱਤੇ ਫੌਜੀ ਹਵਾਈ ਹਮਲਿਆਂ ਵਿੱਚ 9 ਬੱਚਿਆਂ ਸਮੇਤ 17 ਨਾਗਰਿਕ ਮਾਰੇ ਗਏ। ਕਰੀਬ 20 ਲੋਕ ਜ਼ਖਮੀ ਵੀ ਹੋਏ ਹਨ। ਸਥਾਨਕ ਲੋਕਾਂ ਅਤੇ ਮਨੁੱਖੀ ਅਧਿਕਾਰ ਕਾਰਕੁਨਾਂ ਦਾ ਦਾਅਵਾ ਹੈ ਕਿ ਇਹ ਹਵਾਈ ਹਮਲਾ ਭਾਰਤੀ ਸਰਹੱਦ ਦੇ ਬਿਲਕੁਲ ਦੱਖਣ ਵਿਚ ਸਾਗਾਇੰਗ ਖੇਤਰ ਦੇ ਖੰਪਤ ਸ਼ਹਿਰ ਦੇ ਕਾਨਨ ਪਿੰਡ 'ਤੇ ਸਵੇਰੇ ਹੋਇਆ। ਹਾਲਾਂਕਿ, ਫੌਜੀ ਸਰਕਾਰ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲੈਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਦਾਅਵਾ ਕੀਤਾ ਕਿ ਖਬਰਾਂ ਵਿੱਚ ਕੋਈ ਸੱਚਾਈ ਨਹੀਂ ਹੈ। ਫਰਵਰੀ 2021 ਵਿੱਚ ਫ਼ੌਜ ਵੱਲੋਂ ਆਂਗ ਸਾਨ ਸੂ-ਕੀ ਦੀ ਚੁਣੀ ਹੋਈ ਸਰਕਾਰ ਨੂੰ ਬੇਦਖਲ ਕਰਨ ਤੋਂ ਬਾਅਦ ਕਈ ਸੰਗਠਨਾਂ ਨੇ ਹਥਿਆਰ ਚੁੱਕੇ ਹਨ। ਉਦੋਂ ਤੋਂ ਹੀ ਦੇਸ਼ ਦੇ ਵੱਡੇ ਹਿੱਸਿਆਂ 'ਚ ਫ਼ੌਜ ਅਤੇ ਉਨ੍ਹਾਂ ਵਿਚਾਲੇ ਟਕਰਾਅ ਚੱਲ ਰਿਹਾ ਹੈ। ਪਿਛਲੇ ਦੋ ਸਾਲਾਂ ਤੋਂ ਫੌਜੀ ਸਰਕਾਰ ਨੇ ਬਾਗੀਆਂ ਦੇ ਖਿਲਾਫ ਹਵਾਈ ਹਮਲੇ ਤੇਜ਼ ਕਰ ਦਿੱਤੇ ਹਨ। ਬਚਾਅ ਕਾਰਜਾਂ ਵਿੱਚ ਮਦਦ ਕਰਨ ਵਾਲੇ ਇੱਕ ਸਥਾਨਕ ਨਿਵਾਸੀ ਨੇ ਐਤਵਾਰ ਨੂੰ ਏਪੀ ਨੂੰ ਦੱਸਿਆ ਕਿ ਇੱਕ ਜੈੱਟ ਲੜਾਕੂ ਜਹਾਜ਼ ਨੇ ਖੰਪਤ ਦੇ ਬਾਹਰਵਾਰ ਕਾਨਨ ਪਿੰਡ ਵਿੱਚ ਤਿੰਨ ਬੰਬ ਸੁੱਟੇ। ਇਸ ਕਾਰਨ ਪਿੰਡ ਦੇ ਸਕੂਲ ਅਤੇ ਆਸਪਾਸ ਦੀਆਂ ਇਮਾਰਤਾਂ ਵਿੱਚ ਰਹਿੰਦੇ 17 ਨਾਗਰਿਕਾਂ ਦੀ ਮੌਤ ਹੋ ਗਈ। ਇਕ ਵਸਨੀਕ ਨੇ ਆਪਣਾ ਨਾਂ ਨਾ ਛਾਪਣ ਦੀ ਸ਼ਰਤ 'ਤੇ ਦੱਸਿਆ ਕਿ ਸਕੂਲ ਦੇ ਨੇੜੇ 10 ਦੇ ਕਰੀਬ ਘਰ ਬੰਬ ਨਾਲ ਤਬਾਹ ਹੋ ਗਏ ਹਨ। ਖਮਪਾਟ ਸ਼ਹਿਰ ਦੇ ਜ਼ਿਆਦਾਤਰ ਵਸਨੀਕ ਘੱਟ ਗਿਣਤੀ ਈਸਾਈ ਹਨ। ਮਿਆਂਮਾਰ ਮੁੱਖ ਤੌਰ 'ਤੇ ਬੋਧੀ ਹੈ, ਜਿਸ ਦੀ ਅਗਵਾਈ ਬਰਮਨ ਬਹੁਗਿਣਤੀ ਦੁਆਰਾ ਕੀਤੀ ਜਾਂਦੀ ਹੈ। ਇੱਕ ਹੋਰ ਚਸ਼ਮਦੀਦ ਨੇ, ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਬੋਲਦਿਆਂ, AP ਨੂੰ ਹਮਲੇ ਤੋਂ ਬਾਅਦ ਦੀਆਂ ਫੋਟੋਆਂ ਵੀ ਪ੍ਰਦਾਨ ਕੀਤੀਆਂ, ਜਿਸ ਵਿੱਚ ਮਰੇ ਅਤੇ ਜ਼ਖਮੀ ਲੋਕਾਂ ਅਤੇ ਨੁਕਸਾਨੀਆਂ ਗਈਆਂ ਇਮਾਰਤਾਂ ਸ਼ਾਮਲ ਸਨ। ਸਰਕਾਰੀ ਐੱਮਆਰਟੀਵੀ ਟੈਲੀਵਿਜ਼ਨ ਨੇ ਇੱਕ ਅਣਪਛਾਤੇ ਅਧਿਕਾਰੀ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਐਤਵਾਰ ਸਵੇਰੇ ਖੇਤਰ ਵਿੱਚ ਕੋਈ ਜਹਾਜ਼ ਨਹੀਂ ਉੱਡ ਰਿਹਾ ਸੀ
