ਖਾਰਤੂਮ, 13 ਅਪ੍ਰੈਲ 2025 : ਪੱਛਮੀ ਸੁਡਾਨ ਦੇ ਉੱਤਰੀ ਦਾਰਫੁਰ ਰਾਜ ਦੀ ਰਾਜਧਾਨੀ ਅਲ ਫਾਸ਼ਰ ਵਿਚ ਪਿਛਲੇ ਦੋ ਦਿਨਾਂ ਵਿੱਚ ਦੋ ਵਿਸਥਾਪਨ ਕੈਂਪਾਂ 'ਤੇ ਅਰਧ ਸੈਨਿਕ ਰੈਪਿਡ ਸਪੋਰਟ ਫੋਰਸਿਜ਼ (RSF) ਦੇ ਹਮਲਿਆਂ ਵਿਚ 114 ਤੋਂ ਵੱਧ ਨਾਗਰਿਕ ਮਾਰੇ ਗਏ ਹਨ। ਸੁਡਾਨ ਅਪ੍ਰੈਲ 2023 ਦੇ ਮੱਧ ਤੋਂ SAF ਅਤੇ RSF ਵਿਚਕਾਰ ਇਕ ਵਿਨਾਸ਼ਕਾਰੀ ਟਕਰਾਅ ਵਿਚ ਉਲਝਿਆ ਹੋਇਆ ਹੈ। ਇਸ ਟਕਰਾਅ ਵਿਚ ਹੁਣ ਤੱਕ 29 ਹਜ਼ਾਰ 600 ਤੋਂ ਵੱਧ ਲੋਕ ਆਪਣੀਆਂ ਜਾਨਾਂ ਗੁਆ ਚੁੱਕੇ ਹਨ। ਪੱਛਮੀ ਸੁਡਾਨ ਦੇ ਉੱਤਰੀ ਦਾਰਫੁਰ ਰਾਜ ਦੀ ਰਾਜਧਾਨੀ ਅਲ ਫਾਸ਼ਰ ਵਿਚ ਪਿਛਲੇ ਦੋ ਦਿਨਾਂ ਵਿੱਚ ਦੋ ਵਿਸਥਾਪਨ ਕੈਂਪਾਂ 'ਤੇ ਅਰਧ ਸੈਨਿਕ ਰੈਪਿਡ ਸਪੋਰਟ ਫੋਰਸਿਜ਼ (RSF) ਦੇ ਹਮਲਿਆਂ ਵਿੱਚ 114 ਤੋਂ ਵੱਧ ਨਾਗਰਿਕ ਮਾਰੇ ਗਏ ਹਨ। ਉੱਤਰੀ ਦਾਰਫੂਰ ਰਾਜ ਸਿਹਤ ਅਥਾਰਟੀ ਦੇ ਡਾਇਰੈਕਟਰ ਜਨਰਲ ਇਬਰਾਹਿਮ ਖੈਤਰ ਨੇ ਸ਼ਿਨਹੂਆ ਸਮਾਚਾਰ ਏਜੰਸੀ ਨੂੰ ਦੱਸਿਆ, "ਸ਼ੁੱਕਰਵਾਰ, 12 ਅਪ੍ਰੈਲ ਨੂੰ ਜ਼ਮਜ਼ਾਮ ਵਿਸਥਾਪਨ ਕੈਂਪ 'ਤੇ ਆਰਐਸਐਫ ਮਿਲੀਸ਼ੀਆ ਦੇ ਜ਼ਬਰਦਸਤ ਹਮਲੇ ਵਿਚ 100 ਤੋਂ ਵੱਧ ਨਾਗਰਿਕ ਮਾਰੇ ਗਏ ਅਤੇ ਦਰਜਨਾਂ ਜ਼ਖਮੀ ਹੋ ਗਏ।" "ਸ਼ਨੀਵਾਰ ਨੂੰ, ਅਬੂ ਸ਼ੌਕ ਵਿਸਥਾਪਨ ਕੈਂਪ 'ਤੇ ਇੱਕ ਹੋਰ ਮਿਲੀਸ਼ੀਆ ਹਮਲੇ ਵਿੱਚ 14 ਹੋਰ ਨਾਗਰਿਕ ਮਾਰੇ ਗਏ ਅਤੇ ਦਰਜਨਾਂ ਹੋਰ ਜ਼ਖਮੀ ਹੋ ਗਏ। ਸਿਨਹੂਆ ਦੇ ਅਨੁਸਾਰ, ਖਾਤਿਰ ਨੇ ਖ਼ਾਲਾਸਾ ਕੀਤਾ ਕਿ ਜ਼ਮਜ਼ਮ ਕੈਂਪ ਵਿਚ ਮਾਰੇ ਗਏ ਲੋਕਾਂ ਵਿਚ ਰਿਲੀਫ਼ ਇੰਟਰਨੈਸ਼ਨਲ ਦੇ ਨੌਂ ਸਟਾਫ ਵੀ ਸ਼ਾਮਲ ਸਨ, ਜੋ ਕਿ ਇਕ ਗ਼ੈਰ-ਸਰਕਾਰੀ ਸੰਸਥਾ ਹੈ ਜੋ ਕੈਂਪ ਵਿੱਚ ਇੱਕ ਫੀਲਡ ਹਸਪਤਾਲ ਚਲਾਉਂਦੀ ਹੈ। ਵਲੰਟੀਅਰ ਸਮੂਹ ਐਮਰਜੈਂਸੀ ਰੂਮ ਨੇ ਇਕ ਬਿਆਨ ਵਿਚ ਕਿਹਾ ਕਿ ਸ਼ਨੀਵਾਰ ਨੂੰ ਅਬੂ ਸ਼ੌਕ ਕੈਂਪ 'ਤੇ ਆਰਐਸਐਫ ਵੱਲੋਂ ਕੀਤੀ ਗਈ ਭਾਰੀ ਗੋਲੀਬਾਰੀ ਦੇ ਨਤੀਜੇ ਵਜੋਂ 40 ਨਾਗਰਿਕ ਮਾਰੇ ਗਏ ਤੇ ਸੈਂਕੜੇ ਜ਼ਖਮੀ ਹੋ ਗਏ। ਹੁਣ ਤੱਕ ਲਗਪਗ 30 ਹਜ਼ਾਰ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਆਰਐਸਐਫ ਨੇ ਹਮਲਿਆਂ ਸੰਬੰਧੀ ਅਜੇ ਤੱਕ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ 10 ਮਈ, 2024 ਤੋਂ, ਅਲ ਫਾਸ਼ਰ ਵਿੱਚ ਸੁਡਾਨੀਜ਼ ਆਰਮਡ ਫੋਰਸਿਜ਼ (SAF) ਤੇ RSF ਵਿਚਕਾਰ ਭਿਆਨਕ ਲੜਾਈ ਚੱਲ ਰਹੀ ਹੈ। ਸੰਯੁਕਤ ਰਾਸ਼ਟਰ ਦੁਆਰਾ ਬਣਾਏ ਗਏ ਇਕ ਸੰਕਟ ਨਿਗਰਾਨੀ ਸਮੂਹ, ਆਰਮਡ ਕਨਫਲਿਕਟ ਲੋਕੇਸ਼ਨ ਐਂਡ ਇਵੈਂਟ ਡੇਟਾ ਦੇ ਅਨੁਸਾਰ, ਸੁਡਾਨ ਅਪ੍ਰੈਲ 2023 ਦੇ ਅੱਧ ਤੋਂ SAF ਅਤੇ RSF ਵਿਚਕਾਰ ਇਕ ਵਿਨਾਸ਼ਕਾਰੀ ਟਕਰਾਅ ਵਿਚ ਉਲਝਿਆ ਹੋਇਆ ਹੈ। ਇਸ ਟਕਰਾਅ ਵਿਚ ਹੁਣ ਤੱਕ 29 ਹਜ਼ਾਰ 600 ਤੋਂ ਵੱਧ ਲੋਕ ਆਪਣੀਆਂ ਜਾਨਾਂ ਗੁਆ ਚੁੱਕੇ ਹਨ।
